do man in mit pinlichen slegin zů der abgote opfir brachte, do sprach he: „Ich opfire

   mich selbe deme vatire und deme sune und deme heiligin geiste.“ Zů

   lestin wart he enthoubit.

   Und sancte Hylarie , die was můtir sancte Affren. Do sie zů sente

   Affren grab bette mit iren megedin Digna und Eumenia und Euprepia , do

   wurdin sie gebrant.

   Zů Syria sanctorum Macharij [und] Juliani .

   Bildbeschreibung:

   1. Die Enthauptung des heiligen Euplus.

   2. Die Verbrennung von Hylaria und Afras Mägden Digna, Eumenia und

   Euprepia.

    13. August

   A. Idus. Augusti.

   Zů Rome sancti Ypoliti , der wart gemartiret. He wart mit steinin vor

   den munt geslagin und gedenit an ein holtz und mit knůttilin und gertin

   gepiniget. Do wart Concordia sin amme mit blien kůlin geslagin vor im,

   biz daz sie starb. Und alle sin ingesinde enthoubit: nůnzen menschin.

   Und sancto Ypolito liez he [=der Richter] die vůze zů der wildin pferde

   halse bindin und zien ůb[ir] kartin und ůbir dorne. Also quam he zů

   gote.

   Und sancti Cassiani . Do he die abgote nicht an betin wolde, do wart he

   gevragit, waz ammechtis he hette. Do antworte he, daz he schůlmeistir

   der kindir were. Und den wart he gegebin mit gebundin handin zů růcke

   und nacket, daz sie in pinigin scholdin. Und die warin im also gram,

   daz sie in martirtin. Mit tafilin slůgin sie in und sůmeliche mit

   griffelin wunditin in also lange biz an den tot.

   Und sancti Vichberti . Der was bischof und got tet vil mit im zeichine,

   beide: an sime libe und na sime tode. Eines tagis do scholde he messe

   singen und da enwas chein win sundir den man gotis licham nicht gewien

   mag. Do gieng he in den kerker