Iulianum. Den behielt he zů grozer

   pine. Und an der stat, dar sie gebrant wurdin, do erhorte man zů hant

   von den engilin mettine und alle getite. Und do daz sente Iulianus

   horte, do wart he sere geslagin. Und der ein, die in slůgin, der vorlos

   sin ouge. Und alzů hant wart iz im wieder von sime gebete. Unde [er]

   bekarte sich zů gote und wart alzů hant enthoubet. Und dar nach brachte

   man sanctum Iulianum zů der abgote hus. Und von sime gebete wurdin sie

   alzů pulvere. Dar nach bant man sancte Iulianum mit iserinen bandin

   unde tzien durch die stat. Do her quam zů der stat, da des richters sun

   zů schůle gieng, do sach daz kint Celsius eine groze schar von wizen

   cleidern ům in und eine schone crone boven sime houbete. Do he daz

   sach, do warf he daz buch nieder und die cleider, die he an hatte und

   quam snelliche zů sancto Iuliano und warf sich vor sine fůze. Des

   erquam alle die stat und kundigitinz sinem vater und siner můter. Und

   die quamin mit grozim iamere. Und do sie daz kint nicht enmochtin von

   im gesundern, do tatin sie iz mit im an den kerker. Und da wurdin sie

   mit gotlichem gelůchte und mit Tnderlicheme ruche getrost also, daz

   zwenzc rittere, die ire hutere warin, dar ab sich zů gote bekartin. Und

   zů diesen quamin siebin brůdere mit dem priester sancto Anthonio an den

   kerker und touf