21. Januar

   G. xij. Kal. Februarij

   Natale sancte Agnetis virginis et martyris. Die was in deme drizigistin

   iare, da sie irin lib durch got gab. Sie wart von eime iůngelinge lieb

   gehabet. Und der brachte ir viel cierheit und gelobete ir vil mer. Und

   daz vorwarf sie alliz durch got. Und do in daz nicht enhalf, do legete

   man ire vil pine an und ůbermůtes. In ein groz fůr wart sie geworfin.

   Do zůteilte sich daz fůr an zwei teil und vorbrante daz volk. Und von

   irm gebete lasch daz fůr. Und zů lestin sencte man ir ein swert an die

   kel. Und also starb sie.

   Apud Athenas sancti Publij episcopi. Der wart durch got gemartiret.

   Und sanctorum Fructuosi episcopi. et Augurij. et Eulogij dyaconorum.. Die

   wurdin an den kerker geworfin und an daz fůr. Und do daz fůr die bant

   zů brant hatte, do legetin sie sich an crůce wis, daz sie mustin

   gebrant werdin. Und also sach man ire sele gecronet zů hiemele varin.

   Et sancti Patrocli martyris.

   Bildbeschreibung

   1. Das erste Bild läßt sich schwer auf das Feuermartyrium der Jungfrau Agnes

   beziehen, da die im Feuer dargestellte Märtyrerfigur eher

   männlich zu sein scheint. Vielleicht ist diese Miniatur ein aus dem

   Text gestrichenes, aber im Bild noch vorhandenes Relikt einer Vorlage.

   2. Das zweite Bild stellt das Feuermartyrium der Heiligen Fructuosus,

   Augurius und Eulogius dar. Der Bischof Fructuosus (mit Mitra) ist in

   der Mitte plaziert, flankiert von seinen beiden Gefährten, die als

   Diakone mit Tonsur erscheinen. Am rechten Bildrand schürt ein Scherge

   das Feuer.

22. Januar

   A. xi. Kal. Februarij

   In Hyspanijs sancti Vincentij dyaconi et martyris. Der leit ummezige

   pine von Daciano. He wart uf gehangin und gedenet alle sine liede und

   alle sin licham zů slagin. Und dar na mit negelin al sin lib zů snietin

   und uf ein