getouft

   hattin. Und dar na liez der richter sanctorum Arthemum mit siner

   husvrouwin und mit sinir tochtir enthoubitin. Und sanctus Petrus und

   sanctus Marcellinus wurdin zů zwen boumin gebundin und die hende zů

   růcke. Und dar na in einin vinstirin walt bracht und da enthoubit. Und

   die se da enthoubitin, die sagin, daz ire sele von den engilin zů

   hiemelriche wart gevurt und als eine brůt gezierit.

   Und zů Lugduno sancte Blandine , die wart gemartiret. Und mit ir acht

   und vierzig . Und do man die kyrstin als ummezliche pinigite, do quam

   ein edel und ein wise man Epagatus von den kyrstin und sprach vor sie

   als ir vogit. Und wart mit in gevangin. Und ouch sente Fotinus der

   bischof, der was nůnzig iar alt. Und wart gevregit von deme grevin, wer

   der kyrstin got were. Do sprach he, ob he es wirdig were, so wůste he

   iz wol. Darůmme wart he ummezlichin sere gepiniget: mit fustin geslagin

   und mit knůttilin. Und in deme kerkere starb he. Und sancta Blandina,

   die wart an ein holtz gehengit crůce wis und vor die tier geworfin und

   in den kerker und uf einin rost. Und zů lestin enthoubit. Und die

   andirn sůmeliche gebrant und sůmeliche enthoubit und vor die tier

   geworfin.

   Bildbeschreibung:

   1. Der bärtige nimbierte Heilige im Kerker ist mit dem Exorzisten

   Petrus zu identifizieren.

   2. Die Enthauptungsszene bezieht sich auf das Martyrium des von Petrus

   bekehrten und von Marcellinus getauften Gefängniswärters Arthemus,

   seiner Ehefrau und seiner Tochter.

   3. Die Enthauptung eines jugendlichen und eines älteren, bärtigen

   Heiligen ist auf den Märtyrertod von Marcellinus und Petrus zu

   beziehen.

   3. Juni

   G. iij. Nonas. Junij.

   Sanctorum Pergentini und Laurentini . Die warin brůdir und warin

   kindir. Und na manigin pinen zů lestin enthoubit.

   Zů Campania sancti Erasmi . Der was bischof und wart mit blien kůlin

   geslagin, dar na mit knůttilin. Dar na mit harze und mit swebile, und

   mit blie und mit peche, und mit wachse und mit olei begozzin.