gemartiret mit bandin, mit kerkerin, mit slegin. Und von deme viende

   ouch gepinigit in einis trachin glichnisse und an einis morlůtis. Den

   ůbirwant sie mit deme heiligin cruce. Und zů lestin wart sie enthoubit.

   Also quam sie zů gote.

   Und ouch Felicis , Emilij und Crispini .

   Bildbeschreibung:

   1. Die Märtyrer Marcus und Marcellianus im Kerker.

   2. Marcus und Marcellianus werden von einem Schergen mit einem Speer

   erstochen.

   19. Juni

   B. xiij. Kl. Julij.

   Zů Mediolano sanctorum Gervasii und Prothasii und Celsi des kindis.

   Sanctus Nazarus der predigite gotes wort. Do wart he gesucht von den

   rittirin und fundin, da he buwite ein betehus. Und mit im Gervasius und

   Prothasius und das kint Celsius reichtin die steine. Also wurdin sie

   gebundin und bracht zů Nerone und besloezin in einim vinstirin kerkere.

   Und Celsius das kint volgite in schriende und weininde. Also begreif iz

   ein ritter und slůg iz mit orslegin an die wangin. Also warin sie zen

   iar beslozzin in eime hus und lobitin darinne got. In deme erstin iare

   wart der erste mit blien kůlin geslagin und Prothasius mit knůttilin an

   daz houbit geslagin. Also quamin sie zů gote.

   Zů Rome sancti Silverij , der was pabist.

   Ursicini , der wart na manigin pinen enthoubit und andir siebin

   heiligin.

   Bildbeschreibung:

   1. Gervasius, Prothasius und Celsus im Kerker.

   2. Gervasius, Prothasius und Celsus werden von einem Schergen mit einer

   bleiernen Keule erschlagen.

   20. Juni

   C. xij. Kl. Julij.

   Zů Rome sancti Novati , der was brůdir Thymothei des priestires. Die

   wurdin gelart von den apostolin. Und na manigin gůtin werkin quam he zů

   gote.

   Und sancti Zenonis des mer