me sancti Tranquillini . Der was vatir sanctorum Marci und

   Marcelliani. Und wart gevangin von den heidin und gesteinit.

   Und sancti Leonis , der was bischof.

   Und sancti Goaris , der was ein bichtere und got tet vil mit im. He

   wart geladin zů dem bischove Rustico, daz he also vru morgin eze und

   die tier můlke. Und sine cappin vor sinin ougin hienge an die sunne.

   Hie schuldigite he in ůmme und wolde wizzin, ob iz von gote were odir

   von dem viende. Undir des do brachte man ein vundelkint. Do sprach der

   bischof zů im: „Nů wil ich bevinde, ob dine tůginde von gote sin und

   gebiete die bi gehorsam, daz dů deme kinde gebietis, daz iz sage, wer

   sin vatir odir sin můtir si“. Do rief he got mit trenin an und beswor

   daz kint bi deme namin des vatir und des sunis und des heiligin

   geistis, daz iz spreche, wer sin vatir odir sin můtir were. Do sprach

   daz kint: „Rusticus ist min vatir und Aflagia heizit min můtir“. Do

   viel im der bischof zů vuze und bekante des, daz iz nieman woste sundir

   daz wib und ein sin kindelin. Also wart der bischof bekart und bezzirte

   sine sunde. Und sente Goar entpfieng siebin iar vor in zů bezzirnde.

   Und darna quam he zů gote.

   Bildbeschreibung:

   1. Die Steinigung des heiligen Tranquillinus. Einer der mit Feder

   vorgezeichneten Steine ist unkoloriert geblieben.

   2. Der unkeusche Bischof Rusticus und der heilige Goar mit dem

   (irrtümlicherweise nimbierten) Findelkind. Da die beiden Protagonisten

   sich in einer Gesprächssituation befinden, sind sie mit Redegesten

   dargestellt. Rusticus sitzt auf einem mit stilisierten Tierköpfen

   geschmückten Schemel (zu sehen ist nur ein Tierkopf auf der rechten

   Seite).

   7. Juli

   F. Noñ. Julij.

   Zů Alexandria sancti Pantheni . Der predigite gotis wort mit grozir

   liebe.

   Und ouch sanctorum Parthenij und andir dri und zwenzig .

   Zů Rome sanctorum Nycostrati , Claudij , Castorij , Viktorini und

   Symphoriani . Die bekarte sanctus Sebastianus und sanctus Policarpus

   toufte sie. Und sie wurdin begriffin von den grevin und zen tage mit

   listin und mit drowin zů dem opfire bracht.