Do sie nicht

   wichin woldin, do liez sie der keysir zů drin malin slan und zů lestin

   in daz mer senkin und beswarin. Also quamin sie zů gote.

   Und sanctorum Materniani und Willibaldi . Die warin bischove.

   Bildbeschreibung:

   1. Der Märtyrertod von Nycostratus und Gefährten (Vier Gekrönten) durch

   Versenken im Meer.

   2. Die Leichen der ertränkten Nycostratus und Gefährten (Vier

   Gekrönten) werden aus dem Wasser geborgen, um begraben zu werden (diese

   Episode ist im JM-Text nicht erwähnt).

   8. Juli

   G. viij. Idus. Julij.

   Zů Asia sancti Aquile und Prisce , siner husvrouwin.

   Und sancti Procopij , der wart enthoubit.

   Sancti Kyliani und sinir gesellin Colomamij und Totinnamij . Der

   predigite gotis wort und bekarte den herzogin und toufte in zů ostirin.

   Und he hatte ein wib, die was sines brudir gewesin. Da wisete he in ab.

   Dar umme wart he geslagin mit sinin gesellin von des wibis rate und in

   irme hus begrabin. Und ir buchir und ire cleidir alle mit in begrabin,

   daz man mochte wenin, daz sie andir swa gegangin werin. Also was da ein

   edele vrouwe, die hiez Burgunda. Die hatte io irre predigunge gevolgit.

   Und die hatte ein zellichin bi in. Und die wart dis gewar und průvite

   die stat bi dem blůte. Und erite die stat mit alle deme sie mochte.

   Also vortreib sie daz wib und machite den pferdin einin stal. Und pfert

   eritin die heiligin also, daz sie alir not durft nicht uf die erdin tun

   woldin. Und ir eine wart bevangin, der sie gemartiret hatte, und rief:

   „Kyliane, dů ůbirfolgis mich und ich burne, und ich enmag nicht helin,

   daz ich getan habe, wand daz swert ist bovin mie mit dinim blute

   besprengit!“ Und also zů reiz he sich mit sinin cenin und starb. Und

   der andire totite sich selbin. Und daz bose [wib] wart ouch bevangin

   und starb. Und got der opfirte die heili