wart der licham sunderlich gepiniget und daz houbit sunderliche. Und in daz mer

   geworfin, abir sůndirliche zů obin. Und zů lestin do quam daz houbit zů

   deme lichamin und der hals vůgite sich zů der achsilin rechte, als ob

   iz nie gesundirt were. Und wart von gote zů dem stade bracht und von

   den kyrstinin begrabin.

   Zů Affrica sanctorum Domecreti , Secundi , Dyonisij , Tyrsi .

   Und sancti Germani , der was bischof und bichter. Do in sin můtir trůg,

   do wolde sie daz kint in deme libe totin und trang vorgiftnisse. Und

   die enschadite im noch ir nicht. Und he was an den tůgindin und wart zů

   abbite gekorn. Und lebite vil heiliglichin mit vastin, mit wachin und

   mit manichin gůtin werkin. Und got tet vil zeichin durch in. Do he acht

   und zwenzig iar alt was, do quam he zů gote.

   Und sancti Ponthonis , der was priestir.

   Bildbeschreibung:

   1. Der heilige Fabius im Kerker.

   2. Die Enthauptung des Fabius.

   3. Nach der Hinrichtung werden der Kopf und das Leib des Fabius ins

   Meer geworfen.

   1. August

   C. KL. Augustus.

   Zů Rome da wart daz munstir gewiet in sente Petirs ere. Und sin ketine

   wart dar bracht, da he miete gebundin was in deme kerkere von Herodes,

   do in der engil loste. Augustus der hatte selbin eine hochzit an

   dieseme tage gemachit. Und he hiez diesin mandin nach ime „Augustus“,

   wand he siegevochtin hatte dar an. Und diese hochzit was allirierlich

   bi sime libe und na sime tode. Und der kirstin enmochte daz nieman ab

   gelegin. Do quam Eudoria, Augusti wietewe, und karte diese hochzit an

   sente Petrus ere. Und brachte sine ketine.

   Und sancti Eusebij , der was bischof und wart gemartiret.

   Und sancti Felicis . Do