von sanco Stephano wart he vil liblich begrabin.

   Und sancti Iusti , der was bischof. Und do he manig iar in deme walde

   engestlich gelebit hatte, do quam he zů gote.

   Bildbeschreibung:

   1. Der heilige Tertullinus wird von einem bärtigen Schergen mit einem

   Stock geschlagen.

   2. Die Enthauptung des Tertullinus.

   5. August

   G. Nonas. Augusti.

   Zů Rome sancti Ormilde , der was pabist.

   Und sancti Cassiani , der was bischof.

   Und sancte Affre , die hatte einin mandin wis gewesin und wart bekart

   von sancto Narcisso dem bischove und getouft mit irin zwen gesellin von

   im, und ir můtir mit al irme ingesinde. Dar na wart sancta Affra zů

   gerichte bracht. Und na manigin smelichin wortin wart sie zů lestin

   gebrant. Do sie in deme vůre stunt, do dankte sie got und sprach: „Ich

   danke die herre Jesu Criste, daz du mich hast erkorn zů eime

   lebindindingin opfire! Du hast dich vor alle die werlt geopfiret an

   deme cruce, dů rechtir vor uns ungerechtin, dů gůtir vor uns bosin, dů

   gebenedietir vor uns gemaledietin, dů sůzir vor uns bittirin! Ich

   opfire mich selbin die zů eime opfire!“ Und an diesin wortin quam sie

   zů gote.

   Und sancti Oswaldi , der was kůnig und wart gemartiret.

   Bildbeschreibung:

   1. Die Verbrennung der heiligen Afra.

   2. Die Enthauptung des Königs Oswald.

   6. August

   A. viij. Idus. Augusti.

   Zů Rome sancti Sixti . Der was pabist und wart gemartiret. Und mit im

   zwene dyacon, Felicissimus und Agapitus .