He wart in den kerker bracht und darinne lobite he got mit alle sime herzin. Und

   toufte und larte alle, die zů im quamin. Und zů lestin beval he sancto

   Laurencio den schatz, daz he in den armin lůtin miete teilte. Und ime

   gelobite he, daz he in na drin tagin volgin scholde an der martire. Und

   sanctus Sixtus wart an ein holtz gehangin und zů lestin enthoubit. Und

   mit im Felicissimus und Agapitus und andir vier dyacon .

   Zů Hyspania sanctorum Iusti und Pastoris . Die warin brůdire. Die warin

   gemartiret.

   Bildbeschreibung:

   1. Papst Sixtus und seine beiden Diakone Felicissimus und Agapitus im

   Kerker.

   2. Die Enthauptung von Sixtus, Felicissimus und Agapitus.

   7. August

   B. vij. Idus. Augusti.

   Sancti Donati , der was bischof und he bekarte sente Affram und ire

   můtir. Und tet vil zeichinis. Einis tages, do he messe sang und die

   kyrstin gotis licham entpfiengin, do viel der kelich von den heidinin.

   Die stiezin den dyacon, do zů brach he al mit alle. Da warin sie sere

   ůmme betrůbit und namin die stůcke und brachtin sie im. Und he machite

   in gantz mi sime gebete. Dar ab wurdin acht und siebinzig mensche

   bekart und getouft. Darna wart he gevangin und zů opfire bracht und sin

   munt mit steinin zů slagin. Und Hylarianum den můnich vor im mit

   knůttilin slan, biz daz he starb. Und sanctum Donatum warf man in den

   kerker. Dar tet he vil zeichinis inne. Und zů lestin wart he geslagin.

   Und an dieseme tage wart sancta Affra gemartiret, von der zů ovin

   gescriebin ist.

   Zů Rome sanctorum Petri , Juliane mit andirin achzenin . Die wurdin

   alle gemartiret durch die gotis liebe.

   Und sancti Faustini mit andirin nůnin . Die wurdin ouch gemartiret

   durch got.

   Bildbeschreibung:

   1. Bischof Donatus segnet den zerbrochenen Kelch, um die Scherben

   wieder zusammenzufügen.

   2. Donatus im Kerker.

   3. Die Enthauptung des heiligen Donatus (im Text nicht ausdrücklich

   erwähnt).