din sie begrabin.

   Und sancti Mammetis . Do he gotis vorloukenin nicht enwolde und die

   abgote anbetin, do wart he geknůttilet und in einin bůrndin ovin

   gestozin. Und do quam der heilige geist in einir tůbin glichnisse zů im

   und leschte daz vůr. Und der lo wart ům in als ein kemirchin. Da lobite

   he got. Dar na wart he vor die tier geworfin und die enrurtin in

   nirgin. Zů lestin wart he gesteinet.

   Bildbeschreibung:

   1. Der heilige Mammetos (Mammas) im brennenden Ofen. Ein Scherge schürt

   das Feuer.

   2. Die Steinigung des heiligen Mammetos. Der Heilige selbst ist

   allerdings nicht zu sehen.

   18. August

   F. xv. Kal. Septembris.

   Sancti Agapiti . Do he was zwelf iar alt, do wart he in den kerker

   bracht sundir spise. Dar na wart sin houbit beschut mit bůrndin kolin.

   Und darna mit geislin geslagin und nackit gehengit, daz houbit niedir

   wert. Und darundin bittirin rouch gemachit. Und mit geislin geslagin al

   die wile und georslagit und siedinde wazzer uf sinin buch. Dar na vor

   die tier [geworfin] und zů lestin enthoubit.

   Und sanctorum Johannis und Crispi .

   Und Firmini , der was bischof und bichter.

   Bildbeschreibung:

   1. Ein Scherge schüttet dem heiligen Agapitus glühende Kohlen auf das

   Haupt.

   2. Die Enthauptung des heiligen Agapitus.

   19. August

   G. xiiij. Kal. Septembris.

   Sancti Magni und sancti Andree mit sinin gesellin zwene und tůsint und

   nůnzig und zwene und vunzich.

   Und sancti Donati . Der was priestir und was von kinde vol gnadin. Und

   hielt der einsiedile lebin. Und quam zů im sin abbet, do he sterbin

   scholde. Dem was iz von gote geoffembart. Und an sime