und [so im Original] sanctorum Minervi und Eleazari mit

   siebin kindirin . [Die] wurdin alle gemartiret.

   Und sanctorum Thimotei und Appollinaris . Der [=Timotheus] wart vil

   pinlich geslagin und sine wundin wurdin mit ezche besprengit. Und do

   man sanctum Thimoteum alsus martirite, do was sente Appollinaris der

   eine, der in martirite. Der sach zwen engile stan zů siner

   [=Timotheus’] siten, die sprachin: „Wie sin geseint, daz wie dich Jesum

   Christum wisin, durch des namin dů diese pine lides!“ Do sach den

   hiemil offin he und Jesum Christum zů sinis vatir siten und eine crone

   an sinir hant von golde und von edilime gesteine und [Jesus] sprach:

   „Thimotee, diese crone schaltů entpfan an deme drittin tage von mie.“

   Do viel Appollinaris im zů vůze und sprach offembar, waz he gesen

   hatte. Also gebot der richter, daz man im siedende bli in den munt

   gůzze. Und daz wart in sinim munde als ein is. Dar ab wurdin vil lůte

   bekart. Do brachte man sie beide in den kerker. Da wart Appollinaris

   getouft. Und do sach he den hiemil offin und horte den engil sprechin:

   „Selich bistů und alle die, die in dirre nacht getouft sin. Die

   schullin morgin in dem paradysi wesin.“ Do wurdin sie alle zů deme

   gerichte bracht und sprachin offenliche, wenne iz got gelobet hatte des

   nachtes. Also wurdin vůnfzig alzů hant enthoubit. Und do man Thymoteum

   und Appollinarem enthoubite, do wart ein stimme gehort: „Kůmit, mine

   vil liebin! Ich wil uch wisen, waz ie vordinet habit.“ Also wurdin sie

   von gote entpfangin.

   Bildbeschreibung:

   1. Die Enthauptung des Timotheus und Apollinaris.

   2. Die Enthauptung von drei Heiligen. Vermutlich bezieht sich das Bild

   exemplarisch auf den Tod von fünfzig Christen, die zusammen mit

   Timotheus und Apollinaris ihr Martyrium erlitten haben.

   24. August

   E. ix. Kl. Septembris.

   Zů India sancti Bartholomei , der was gotis iůngir. Da was ein abgot,

   in deme was ein tůvil. Der machite