von sente Mauritius schar. Und hatte[n] do die pine gevloin. Und wurdin zů lestin begriffin

   und vil pinliche gemartiret. Und do quam das hiemilische liecht ůbir

   sie und die sie pinigitin, die vielin an die erdin. Also loste sie got.

   Dar na wurdin sie in daz vůr geworfin. Do quam ein rein und leschte daz

   vůr. Zů lestin wurdin sie enthoubit. Also quamin sie zů gote.

   Und zů Betlehem Iude sancti Ieronimi . Der was ein priestir und karte

   die hebremschin bůchir an die latinische zungin und was der kyrstinheit

   vil miete. Und na manigin gůtin werkin quam he zů gote.

   Bildbeschreibung:

   1. Ein Regen kommt vom Himmel und löscht das Feuer, in dem Victor und

   Ursus gemartert werden.

   2. Die Enthauptung des Victor und Ursus.

   1. Oktober

   A. KL. October.

   Sancti Germani , der was bischof und got tet vil zeichin durch in. Do

   he quam zů Britannia mit deme bischove sancto Lupo und do sie in deme

   schiffe warin, do wart iz groz sturmwetir von des viendis craft, also

   daz der tag an die nacht gekart wart. Und der bischof Germanus der was

   von mudicheit entslafin. Und der bischof Lupus und die andirin die

   wecktin in, wand sie in grozin engestin warin. Und he rief got an und

   in deme namin der heiligin drievaldicheit stillite he daz wazzir und

   gab deme volke ire clarheit wiedir.

   Sancti Remigij , der was bischof und bekarte daz volk zů Vrankriche.

   Und Vedasti und Bavonis und Piatonis , die warin bischove.

   Und drier mertirere .

   Und sancte Stephane , die was ein magit.