Und sanctorum Marcelli , Casti , Emilj und Saturnini .

   Bildbeschreibung:

   1. Bischof Sagares wird von einem Schergen erschlagen.

   2. Marcellus, Castus, Emilius, Saturninus und ein namentlich nicht

   genannter Heiliger hinter einer Zinnenmauer.

   7. Oktober

   G. Nonas. Octobris.

   Zů Rome sancti Marci , der was pabist.

   Und sanctorum Julie , Sergi und Bachi . Die warin in des palase kůniges

   [=in des kůniges palase] sere geeret. Do wurdin sie geruct zů der

   abgote opfir darůmme, daz sie kyrstin warin. Do sprachin [sie]: „Wie

   habin den warin kůnig Jesum Christum, dem wie alle tage opfirin daz

   heilige und daz lebendige opfir. Die stocke und die steine wol[len] wie

   nicht an betin!“ Do liez he in ire ritterliche cleidir uz zien und liez

   sie cleidin mit wiblichen cleidirin und ůmme den hals eine iserine

   kethene werfin und durch die stat zien zů sime palaste. Und [he (=der

   König)] sprach: „Ůwer got, den ie an betet, Jesus Christus, er ist

   einis smiedis sun!“ Do sprachin [Sergius und Bacchus]: „Den wie an

   betin, der ist ein war got und daz ewige liecht. He hat hiemil und erde

   geschaffin.“ Do liez he [=der König] sie besliezin und sante sie deme

   herzogin Antyocho. Und der liez sanctum Bachum denin an ein holtz und

   slan mit ron senin biz an den tot, daz im alle sin lib zů rizzin wart.

   Des andirin tages do cleidite he Sergium mit eime cleide vol negile.

   Und zů lestin wart he enthoubit. Und sie wurdin von den kyrstin

   begrabin. Und sancta Julia die magit, die wart mit in ouch gemartiret.

   Und sanctorum Marti und Apulei . Die wurdin ouch gemartiret durch got.

   Sie wurdin enthoubit.

   Bildbeschreibung:

   1. Die Christen Sergius und Bachus (Bacchus) werden an einer eisernen

   Kette durch die Stadt gezogen.

   2. Die Enthauptung eines Bischofs. Das Bild läßt sich keinem im Text

   erwähnten Heiligen zuordnen. Die im Text erwähnten, enthaupteten

   Sergius, Martus und Apuleus waren keine Bischöfe.