31. Oktober

   C. ij. Kl. Novembris.

   Zů Rome sanctorum Nemesij , der was diacon, und siner tochtir Lucille .

   Die wurdin getouft von sancto Stephano. Und alzůhant entpfieng he also

   groze gnade, daz he armin kyrstin sin gůt miete teilite. He quam ouch

   einis nachtis zů deme templo Martis und vant darinne Maximum und

   Valerianum, die opfirtin deme abgote. Also rief he got an ůmme ire

   iamirheit. Also rief Maximus mit grozir stimme: „Nemesius der bůrnit

   mich mit sime gebete!“ Also quamin sůmeliche ůz von deme templo und

   hieldin Nemesium. Und do sie im sere lastir bůtin al die wile starb

   Maximus. Do brachtin sie Nemesium zů Valeriano und he sprach zů im:

   „Nemesi, wor ist din wisheit, da dů ie ane schienes? Wer manint dich,

   daz dů der abgote dich nicht vor zies, die dů von kinde an gebetit

   has?“ Also antworte he mit trenin: „Ich armir sůnder, ich hatte mich

   vor ziegin der warheit got daz unschuldige blůt. Und an diesin sůndin

   habe ich bekant minen schepfer und habe sine barmherzicheit vundin. Den

   vorchte ich und bete in an und opfire im mit dienist und vorkiese die

   abgote.“ Also erzůrnte sich Valerianus. Und na manigin pinen wart he

   [=Nemesius] enthoubit. Und sine tochtir Lucillam liez he ouch

   enthoubitin.

   Und sancti Quintini . Der wart gemartiret.

   Bildbeschreibung:

   1. Ein Heiliger im Feuer. Das Bild läßt sich keinem der erwähnten

   Martyrien zuordnen. Vielleicht wurde hier die Aussage des

   Götzenanbeters Maximus „Nemesius brennt mich mit seinem Gebet!“

   wörtlich verstanden und als ein Verbrennungsakt dargestellt. Der Nimbus

   ist in diesem Fall fehl am Platz und wurde womöglich aus Versehen aus

   der Bildvorlage, einer Heiligendarstellung, übernommen.

   2. Die Enthauptung eines Heiligen. Das Bild könnte sich auf das

   Martyrium sowohl des Nemesius als auch des Quintinus beziehen. Da die

   Martyriumsart des Quintinus (er wurde enthauptet) im JM nicht

   konkretisiert wird, ist der abgebildete Märtyrer mit Nemesius zu

   identifizieren.

   1. November

   D. KL. November.

   Iz ist hochzit allir heiligin . In der stat zů Rome was ein tempil in

   allir tůvile ere gewiet. Daz liez sanctus Bonifatius der pabist

   wandilin und wiete daz in allir