dirt min volk, daz ich mit minim blůte getouft habe. Und ich mane dich und biete dich,

   daz dů in nicht enpfahis an die gemeinschaft. Hůte schaltů is gebetin

   werdin und den zwen priestirin saltů dich offembarin, daz sie in ouch

   vorwiesin, daz die kirstinheit an deme rechtin geloubin besten můge!’“

   Also manite he sie lieblichin und beval sie gote. Daz volk hatte den

   kerker al ůmme vangin durch sine liebe, daz der richter in nicht uz

   brengin mochte. Sundir in der nacht do durch brachin sie die můrin und

   durch daz gat zůgin sie in und brachtin in an die stat, da he enthoubit

   wart. Also neigtte he sine knie und dankte gote und bougite sinin hals

   und entpfieng lieblichin den slag.

   Und ouch sanctorum Lucani , Martiani , Claudiani , Juliani , Victoris

   und Quirini und sechs hundirt und sechs mertirere .

   Und sancte Katherine . Die was magit und bekarte vunfzig herrin und

   wart vil pinliche gemartiret.

   Bildbeschreibung:

   1. Bischof Petrus von Alexandrien im Kerker (der Kerker erscheint als

   eine prachtvolle Architektur).

   2. Die Enthauptung des heiligen Petrus.

    26. November

   A. vj. Kl. Decembris.

   Zů Rome sancti Lini . Der was pabist ellif iar und dri mandin und zwelf

   tage und wart gemartiret, wand he gotis wort predigite.

   Zů Alexandria sanctorum Fausti , der was priestir, und Dij , Ammonij .

   Die wurdin geslagin durch got.

   Und sancti Alexandri . Der was bischof. Do he was berůfin von manigin

   zeichin, do wart im ouch ein totir bracht. Und des mage manite he, daz

   sie kirstin wurdin. Also gelobintin sie, ob der tote uf stunde, so

   woldin sie geloubig werdin. Also sprach he sin gebet und karte sich zů